Minsang naging tahanan. Muling naging tanong.
Limang taon matapos ang isang gabi sa Majayjay Falls, muling nagtagpo ang mga mata nina Alex at Mikaella—isa nang racing legend at isa namang multong bumalik para sa isang katotohanan.

Si Alex, ang walang talong racer ng siyudad, ay unti-unting tinibag ng alaala ng babaeng unang sumakay sa kanyang motor—at unang bumaba rin nang walang paalam.

Si Mikaella, ang babaeng inakalang taksil, ay tahimik na lumayo para sa kanyang pinakamamahal. Sa likod ng bawat tagumpay ni Alex, may mga matang nagbantay, at isang pusong nagsakripisyo.

Pero sa pagbalik ni Mika, dala niya ang sikreto ng limang taong katahimikan—at ang tanong na magpapasya ng lahat:

Tiwala ba ang naghihintay sa dulo ng karera?
O isang trahedyang di na pwedeng atrasan?